Şêniyên Firatê soza şopandina rêya şehîd Zagros da
Şêniyên Firatê sersaxî dan malbata şehîd Zagros û destnîşan kirin ku heta rizgarkirina axa dagirkirî têkoşîn û berxwedana wan berdewam e.
Bi sedan şêniyên herêma Firatê; Kobanê, Çelebiye û Eyn Îsayê tev li merasîma sersaxiyê ya şehîd Zagros Besta bûn ku li gundê Koketb ê navçeya Çelebiye ya başûrê Kobanê li dar ketiye.
Di merasîmê de, hevserokê Partiya Yekitiya Demokratîk (PYD) li herêma Firatê Bekir Hac Îsa axivî û sersaxî da malbata şehîd.
Hac Îsa destnîşan kir ku gelên resen berxwedan û têkoşînê didomînin û di oxira bidawîkirina zulmê û rizgarkirina axê de jî bi hezaran şehîdan dane.
Hevseroka Meclisa Malbatên Şehîdan a Herêma Firatê Eyşe Efendî jî got: "Ciwanên me erkên xwe yên pîroz di çarçoveya parastina rewa de li hember siyaseta qirker a dewleta Tirk a dagirker li Herêmên Parastinê yên Medyayê û Kurdistanê tînin cih."
Eyşe Efendî soz da ku li ser xeta şehîdan bin, ta ku serkeftin pêk were û dewleta Tirk a dagirker ji herêmên dagirkirî bê derxistin û got di oxira azadiyê de amade ne berdêlên biha bidin.
Piştî bidawîbûna axaftinan, wesîqeya şehadeta şehîd hate xwestin û radestî malbatê hate kirin.
(şx)
ANHA