Şengalî vedigerin warê xwe
Wezareta Koç û Koçberan ya Iraqê ragihand ku di çarçoveya hewldanên ji bo girtina kampên penaberan yên li nav Herêma Kurdistanê de, ji Silêmaniyê 734 koçber vegeriyane Şengalê.
![Şengalî vedigerin warê xwe](https://hawarnews.com/kr/uploads/images/202406/image_870x_66810a3a703bc.jpg)
Wezareta Koç û Koçberan ya Iraqê ragihand ku di çarçoveya hewldanên hikumeta Iraq ya ji bo girtina kampên penaberan yên li Herêma Kurdistanê, ji sînorê Silêmaniyê 734 koçber vegeriyan ser cih û warên xwe yên li Şengal, Nînova û Selahedînê.
Di heman daxuyaniyê de hate gotin ku ji bo koçberên vegeriyane alîkariya darayî hatiye dayîn, li rexa vê jî kel û pelên nav malê jî bi ser wan hatiye belavkirin.
Hêjayî gotinê ye koçberên ji nav kampên Başûr vedigerin Şengalê, ji aliyê saziyên Rêveberiya Xweser ya Şengalê ve tên pêşwazîkirin û Rêveberiya Xweser li gorî derfetên xwe alîkariya wan dike. Xelkê vediger, bi pêşwazîkirina Rêveberiya Xweser kêfxweşe.