Şehîd Zeyneb Saroxan li ser gora wê hate bibîranîn

Bi dehan şêniyên bajarê Hesekê û Meclisa Malbatên Şehîdan hevseroka berê ya Nivîsgeha Edaletê û Çaksaziyê ya Rêveberiya Xweser a kantona Cizîrê li Goristana Şehîd Dijwar a li gundê Dawûdiye bi bîr anîn.

27 îlon, 2024 19:33

HESEKÊ

Meclisa Malbatên Şehîdan a Hesekê ji bo bîranîna hevseroka berê ya Nivîsgeha Edalet û Çaksaziyê ya Rêveberiya Xweser a kantona Cizîrê Zeyneb Saroxan merasîmek li dar xist. Şehîd Zeyneb di êrişa balafireke bêmirov a biçek a dewleta Tirk de 27`ê Îlona 2022`yan hate şehîdxistin.

Meclisê merasîma bîranînê li Goristana Şehîd Dijwar a li gundê Dawûdiye yê bajarê Hesekê li dar xist.

Endama Meclisa Jinan a Partiya Yekitiya Demokratîk (PYD) Zehra Semo axivî û sersaxî da malbata şehîd Zeyneb û got: "Dewleta Tirk her tim pêşengên civakê dike hedef. Şehîd Zeyneb ji wan kesan bû ku di oxira şoreşê de tê koşiya. Jinan li herêmên rizgarkirinî bi rêxistin kir û giyanê jina azad belav kir."

Xwişka şehîd Zeyneb Leyla Saroxan axivî û got: "Kombûna me li vir, ji dijmin re peyam e ku em şehîdên xwe ji bîr nakin ji ber ku welatê me bi xwîna wan geş dibe."

Leyla wiha domand: "Zeyneb li ser hezkirina welat mezin bû. Bi vê giyanê berpirs, heta şehadetê tê koşiya."

(şx)

ANHA