Şehîd Xalid El Muxîr li goristana Tebqayê hate oxirkirin

Bi sedan xelê Tebqayê, nûnerên Rêveberiya Sivîl a Demokratîk, komîte û nivîsgehên girêdayî wê, meclisên leşkerî, Partiya Sûriya Pêşerojê, tevgerên jin, ciwan û rûspiyên eşîran beşdarî merasîma veşartina cenazeyê şehîd Xalid El Muxîr bû.

Endamê Hêzên Têkoşîna Dijî Terorê yên girêdayî Hêzên Ewlekariya Hundirîn-Bakur û Rojhilatê Sûriyeyê Xalid El Muxîr di 13′ê Mijdarê li ser erka xwe ya leşkerî de şehîd bûbû.

Hevseroka Meclisa Malbatên Şehîdan Hind El Xelîl di merasîmê de axivî û wiha got: "Şehîd ronahiya nifşan in, bi saya wan û fedakariya wan em îro li vir in. Ji ber ku wan rojekê jî li hember parastina vê xakê ji qirêjiya terorê û sekna li hember êrişên dijmin dudilî nebû."

Hind wiha domand: "Em dev ji parastina desktefî û xaka xwe bernadin û tiştê herî giranbiha di oxira wê de bidin."

Li aliyekî din jî hevserokê Komîteya Hundirîn Riyad El Walî axivî û wiha got: "Em soz didin şehîdan em ê li ser rêça wan bimeşin û armanca wan pêk bînin û heta dawiyê parastina vê xakê bikin."

El Walî anî ziman ku ew ê li hember tevahî êrişên li ser Bakur û Rojhilatê Sûriyeyê bisekinin û ji bo parastina nirx, ewlehî û îstîqrara herêmê bibin mertal û ji terorê paqij bikin.

Di dawiyê de wesîqeya şehîd hate xwendin û radestî malbatê hate kirin.

(fr)

ANHA