Şehîd Mecîd El Azil hate oxirkirin

Şêniyên navçeya Til Hemîsê şervanê Hêzên Erka Xweparastinê şehîd Mecid Salih El Azil li Goristana Şehîdan a navçeyê oxir kir.

ROJANE

31 ÇILE, 2024 15:43

QAMIŞLO

Bi sedan şêniyên navçeya Til Hemîsê ya kantona Cizîrê û gundên wê, endamên saziyên sivîl û meclisan tev li merasîma oxirkirina şervanê Hêzên Erka Xweparastinê şehîd Mecid Salih El Azil bûn ku di qezayeke trafîkê de 29`ê Çileyê şehîd bûbû.

Di merasîmê de endamê rêveberiya Meclisa Malbatên Şehîdan a Til Hemîsê Hemze El Mihemed axivî û got: "Şehîd di bîr û wijdanê me de zindî ne. Li ser vê esasê em ê li ser bîranîna wan kar û xebatê bikin."

Ji fermandarên Hêzên Erka Xweparastinê ya Til Birakê Mehmûd El Ehmed wiha axivî: "Bi saya fedakariyên şehîdan ewlehî li herêmê peyda bû."

Endamê rêveberiya Meclisa Navçeya Til Hemîsê Ehmed El Casim jî got: "Em têkoşînê li ser şopa şehîdan û Rêber Abdullah Ocalan berdewam bikin û Sûriyeya demokratîk ava bikin."

Di dawiyê de wesîqeya şehadetê ya şehîd Mecid El Azil radestî malbatê hate kirin û cenazeyê wî li goristanê hate veşartin.

(şx)

ANHA