Şaredariya Qamişloyê ji 1’ê Adarê heta 8’ê Adarê çalakiyan li dar dixe

 Meclisa Jinan a Şaredariya Gel a bajarê Qamişlo bi boneya meha Remezanê, Roja Jinan a Cîhanê û Cejna Newrozê, bi diruşma "Bi felsefeya Jin, Jiyan, Azadî, ber bi Sûriya demokratîk ve" dest bi rêzeçalakiyan kir.

Îro li pêşiya Navenda Mihemed Şêxo ya Çand û Hunerê ya bajarê Qamişloyê çalakiyek hat organîzekirin. Wê çalakî ji 1’ê Adarê heta 8’ê Adarê rêzeçalakî bidomin.

Bernameya rêzeçalakiyan wiha ye: Roja yekem Koma Erada, roja duyem pêşbirka zarokan, roja sêyem çand û huner, roja çarem şahiyeke curbecur, roja pêncem koma Mihemed Şêxo, roja şeşem koma Yarthoutha ya girêdayî Komeleya Çanda Suryaniyan, roja heftem koma Mihemed Şêxo û roja dawî ya heştan bi pîrozkirina roja Jinan a Cîhanî, çalakî bi dawî dibin.

Îro jî koma bi navê Seyf El Şam, koma Parada El Şamiyê (Erada), ku ji 12 lîstokvan pêk hat, çalakiyek li dar xit. Çalakî bi cil û bergên xwe yên Şamî hat pêşkêşkirin. Di çalakiyê de dehan xelkê Qamişloyê, endam û rêveberiya şaredariyê beşdar bûn.

Rêvebera Meclisa Jinan a Şaredariya Gel Efîfa Silêman ji ajansa me re axivî û wiha got: ”Destpêkê wê ev rêzeçalakî ku ji 1`ê Adarê û heya 8`ê Adarê dewam bikin. Hemû çalakî li heman cihê, li Navenda Mihemed Şêxo ya Çand û Hunerê tên lidarxistin. Armanc ji van çalakiyan ew e ku rola jinan di civakê de bê xurtkirin."

(ekîb/fr)

ANHA