Şandeya jinan li Lozanê pergala hevserokatiyê nîqaş kir

Hevdîtinên şandeya jinên ji Bakur û Rojhilatê Sûriyeyê li Ewropayê didomin. Şande li Lozanê bi jinan re civiya û têkildarî pirrengiya herêma Bakur û Rojhilatê Sûriyeyê, demokrasiya ku tê pêkanîn, pergala hevserokatiyê û temsîla jinan nîqaş kir.

JIN

28 îlon, 2025 13:58

NAVENDA NÛÇEYAN

Şandeya Jinan a ji Bakur û Rojhilatê Sûriyeyê hehvdîtinên xwe yê li Ewropayê didomîne. Şande bi pêşengiya Konseya Jinan a Lajînê li Komaleya Çand û Hunera Kurdî ya li Lozanê bi jinan re hat ba hev.

Şandeyê der barê pergala li Bakur û Rojhilatê Sûriyeyê, pirrengiya herêmê, demokrasiya ku tê pêkanîn, pergala hevserokatiyê û temsîla jinan bi çi awayê pêk tê, bi hatina cîhadîstan re metirsiya li ser jinan çi ye, li ser mijaran agahî dan.

Şande ji Hevseroka Meclîsa Jinan a Bakur û Rojhilatê Sûriyeyê Emîne Omer, Berdevka Meclîsa Jinan a Sûriyeyê Muna El Yusif, Berdevka Civata Jinan a Zenûbiya Şehrezad El Casim, endama Kongra Star Jiyan Hisên û rêvebera Yekîtiya Jinên Suryanî Jorjêt Bersûm pêk tê.

Şandeya Jinan a Rojava wê hevdîtinên xwe yên, Zurîh, Aarau û St. Gallen bi parlamenter, rêxistinên civakî yên sivîl û gel re bicive.

ANHA