Şahiya salvegera 8’emîn a rizgarkirina Reqayê bi dawî bû

Şahiya rizgarkirina bajarê Reqayê ji çeteyên DAIŞ’ê bi pêşkêşkirina hunerên folklorîk û dayîna mertalên rûmetê ji bo saziyên sivîl û leşkerî yên bajêr ên ku di rizgarkirinê û avakirinê de rol lîstine, bi dawî bû.

ROJANE

20 cotmeh, 2025 18:57

REQA

Şahiya 8’emîn a salvegera rizgarkirina bajarê Reqayê ji çeteyên DAIŞ’ê, bi beşdariya hezaran xelkê kantonê, nûnerên ji saziyên sivîl û leşkerî yên Reqa û Tebqayê, hevserokên Meclisa Rêveber, Meclisa Gelan a Demokratîk a Rêveberiya Xweseriya Demokratîk a Herêma Bakur û Rojhilatê Sûriyeyê hat lidarxistin.

Şahî, bi tûraneke leşkerî ji hêla şervanên QSDˊê û Hêzên Ewlekariya Hundirîn ve dest pê kir. Dûre nûnerên ji saziyên sivîl û leşkerî peyman dan. Di peyaman de rola QSDˊê û hevgirtina pêkhateyên herêmê ji bo rizgarkirina Reqayê û bicihanîna projeya mirovî li Bakur û Rojhilatê Sûriyeyê hat silavkirin.

Piştî axaftinan, komên hunerî, çandî û stranan hunerên xwe pêşkêş kirin. Di hunerên koman de ruhê berxwedanê û fedakarî derket pêş.

Di dawiya şahiyê de, Meclisa Rêveber a kantona Reqayê, ji bo qîmetdayîna rola aliyên wekî QSDˋê, Desteya Malbatên Şehîdan-Gazî-Dîlgirtiyan, Hêzên Ewlekariya Hundirîn, Şaredariya Gel a Reqayê, Meclisa Kombûna Jinan a Zenûbiya, di parastina civakê û pêşxistina nirxên azadî û rûmetê de, mertalên rûmetê dan wan.

(ac/fr)

ANHA