Rûspiyan: Ramanên Rêber Abdullah Ocalan bingeha projeya Rêveberiya Xweser in

Rûspiyên êlên ereb ên kantona Cizîrê dema nameya Rêber Abdullah Ocalan wergirtin gotin ramanên wî bingeha projeya Rêveberiya Xweser in a ku QSD`ê wê temsîl dike. Her wiha diyar kirin ku ew kilîta ewlehiyê ya gelên bindest e û rêgeza cewherî ya sekna li hember zinhiyeta dûrxistinê û hewldanên derxistina fitneyê ye.

ROJANE

15 îlon, 2025 22:31

QAMIŞLO

Şandeya ku Însiyatîfa Sûriyeyê ya ji bo azadiya Rêber Abdullah Ocalan ava kiriye, serdanên xwe ji bo rûspiyên êlên ereb ên kantona Cizîrê re didomîne.

Şande ji hevserokê Komîteya Însiyatîfa Sûriyeyê ya ji bo Azadiya Rêber Abdullah Ocalan Mihemed El Neîmî, endamê Meclisa Til Hemîsê MIhemed El Şemrî, endamên Desteya Rûspiyan Fuad El Başa û Hember Hesen, nûnerê Kongreya Îslama Demokratîk mele Omer El Hemîd, şêwirmenda Rêveberiya Xweser a kantona Cizîrê Şehnaz Şerîf, endamê Komîteya Têkiliyên Dîplomatîk Hikmet El Hebîb, şêwirmendê Rêveberiya Xweser a kantona Cizîrê Kawa Qehreman û seroka Desteya Jinan a kantona Cizîrê Rûhat Xelîl pêk hat.

Di serdanê de şandeyê peyama Rêber Abdullah Ocalan radetî rûspiyên qebîleya El Şerabîn, Benî Seba, Cewale, Mihelemiye û Heyalîn, gelek gundên bajarê Til Hemîsê û bajarokê Til Merûf ên kantona Cizîrê kirin.

Rûspiyan, di serdanê de, destnîşan kirin ku ramanên Rêber Abdullah Ocalan a ku banga aştiyê û jiyana hevbeş dikin, bingeha tecrubeya Rêveberiya Xweser e.

Rûspiyan gotin ew bi projeya demorkatîk a li herêmê serfiraz in ku Hêzên Sûriya Demokratîk (QSD) nûnertiya wê dike.

Rûspiyan diyar kirin ku ev proje, kilîta ewlehiya gelên bindest e û bingeha cewherî ya sekna li hember zihniyeta dûrxistinê û hewldanên derxistina fitneyê ye.

(şx)

ANHA