Partî û tevgerên Kurdan yekitî û çareseriya doza kurdî nîqaş kirin

Partiyên siyasî û sazî û rêxistinên rewşenbîrî di civînekê de yekitiya gelê Kurd ji bo peydakirina formeke hevbeş a çareserkirina doza kurdî nîqaş kir.

ROJANE

16 adar, 2024 16:08

QAMIŞLO

Îro nûnerên partiyên siyasî yên Kurdan, Kongreya Niştîmanî ya Kurdistanê (KNK), sazî û rêxistinên rewşenbîrî û wêjeyî yên kurdî, akademîsyen û siyasetmedarên serbixwe li Parka Xwendinê ya Qamişlo civiyan.

Di civînê de yekitiya Kurdan ji bo peydakirina form û nêrîneke hevbeş a çareserkirina doza kurdî, hat nîqaşkirin.

Civîn ji aliyê hevseroka Partiya Yekitiya Demokratîk (PYD) Asya Ebdullah û sekreterê Partiya Demokratîk a Kurdistanê ya Sûriyeyê (Partî) Nesredîn Îbrahîm, sekreterê Partiya Çep a Kurdî ya Sûriyeyê Mihemed Mûsî û serokê Partiya Aştiya Demokratîk a Kurdistanê Telal Mihemed ve hat birêvebirin.

Di serî de Asya Ebdullah xalên nîqaşê diyar kirin û got: "Ev civîn beşek ji rêzecivînan e ku bi armanca peydakirina lihevkirinekê li ser çareseriya doza kurdî li Sûriyeyê, tên lidarxistin. Di dawiyê de formeke dawîn dê bê erêkirin û bi raya giştî re bê parvekirin."

Civînê bi awayekî girtî li ber çapemeniyê dom kir.

(mh)

ANHA