Oldarên Tebqayê regezên Peymana Medîneyê gotûbêj kirin

Oldarên li kantona Tebqayê girîngiya belavkirina nirx û rêgezên Peymana Medîneyê li seranserê Sûriyeyê, gotûbêj kir.

ROJANE

6 ÇILE, 2026 15:47

TEBQA

Komeleya Ehlê Beytê li kantona Tebqayê ji bo nirxandina prensîbên Peymana Medîneyê civînek li dar xist. Oldar û rêveberên saziyên olî beşdarî civînê bûn.

Beşdaran bal kişand ser girîngiya naskirina têgehên Peymana Medîneyê û bicihanîna prensîbên wê li Sûriyeyê, ji bo pêkanîna jiyana hevbeş di navbera hemû ol, mezheb û kêmneteweyan de.

Her wiha beşdaran bang li welatiyên Sûriyeyê nirxên vê peymanê pêk bînin, wekî ku ji hêla gelên Bakur û Rojhilatê Sûriyeyê ve tê pêkanîn.

Beşdarên civînê ezmûna jiyana hevbeş û aştiyane li Bakur û Rojhilatê Sûriyeyê wekî nimûneyeke ji bo çespandina hezkirin û aştiyê nirxandin.

Serokê Komeleya Ehlê Beytê li kantona Tebqayê, Ednan Ilêwî diyar kir ku civîn ji bo gotûbêjikirina Destûra Bingehîn a Medîneyê, ku ji hêla pêxember Muhammed ve hatiye danîn, hat lidarxisitin û da zanîn kir ku naveroka wê ya exlaqî ya kûr heye.

Ilêwî diyar kir Komeleya Ehlê Beytê û Kongreya Îslama Demokratîk bi berdewamî dixebitin da ku bend û têgehên Peymana Medîneyê di nava hemû beşên civakê de belav bikin.

(k)