Odeya Pîşesaziyê ya Reqayê kongreya xwe li dar xist

Odeya Pîşesaziyê ya Kantona Reqayê bi dirûşma "Pîşesaziya me nasnameya me û afirîneriya hêza me ye" kongreya xwe ya 2’yemîn li dar xist.

Kongre li hola Navenda Çand û Hunerê ya Reqayê bi amadebûna nûnerên odeyê, endamên Konfederaliya Rêxistinên Civaka Demokratîk a Herêma Bakur û Rojhilatê Sûriyeyê, nûnerên PYD’ê, Yekitiya Esnafan, nûnerên Rêveberiya Xweseriya Demokratîk a Kantona Reqayê û hejmarek pîşesazên kantonê pêk hat.

Piştî rêzgirtinê endamê Odeya Pîşesaziyê ya Kantona Reqayê Ehmed El Abdullah bi xêrhatina beşdaran kir. Piştre şêwirmendê Konfederaliya Rêxistinên Civaka Demokratîk a Herêma Bakur û Rojhilatê Sûriyeyê Fîdan Mihemed rewşa siyasî nirxand. Fîdanê di nirxandinên xwe de bal kişand ser peymana 10’ê Adarê de û got, tevî ku ji aliyê hikumeta veguhêz ve tê astengkirin lê nîqaşên li ser hîna dewam dikin. Fîdan anî ziman ku divê pergala nenavnedî were pêkanîn.

Piştre hevseroka Yekitiya Rewşenbîran a Kantona Reqayê Rîm Ehmed nirxandinên Rêber Abdullah Ocalan li ser dîroka pîşesaziyê, şoreşa endustriyê û aboriya civakî xwendin.

Piştre rapora rewşa rêxistinî ya Odeya Pîşesaziyê ya kantona Reqayê hat xwendin û nîqaş li ser çêbûn. Di nîqaşan de hate gotin sotemenî bi buhayekî guncaw ji qada pêşesaziyê re were peydakirin û cihekî dûrî qadên niştecihan ji pîşesaziyê were veqetandin.

Hevseroka Yekitiya Karker û Kedkaran a Kantona Reqayê Neşwa Hesen rêziknameya Yekitiya Pîşesaziyê ya Bakur û Rojhilatê Sûriyeyê xwend.

Di dawiyê de hilbijartin pêk hatin, Abdullah Reşo careke din û Sara Salim bûn hevserokên odeyê.

(bb)

ANHA