Newroza 2025’an: Agirê azadî û aştiyêqadên Bakur û Rojhilatê Sûriyeyê û Helebê ronî dike
Agirê Newroza 2025’an a bi dirûşma “Azadiya fîzîkî ya Rêber Abdullah Ocalan mîsogeriya civaka demokratîk e” li qadên Newrozê yên Herêma Bakur û Rojhilatê Sûriyeyê û Helebê, di nava coşeke mezin de, hat pêxistin.
Beriya çend kêliyan şahiyên Newroza 2025’an li seranserî Herêma Bakur û Rojhilatê Sûriyeyê û bajarê Helebê dest pê kirin.
Girseya şêniyên Bakur û Rojhilatê Sûriyeyê bi coşeke mezin û bi dirûşma “Azadiya fîzîkî ya Rêber Abdullah Ocalan mîsogeriya civaka demokratîk e” berê xwe da 11 qadên Newrozê yên Qamişlo, Dêrik, Gundê Hilêq ê Girkê Legê, Tirbespiyê, Amûdê, Dirbêsiyê, Hesekê, Reqa, Tebqa, Kobanê û Helebê.
Bi gihîştina girseya gel re, li qadên pîrozbahiyan, agirê Newrozê bi destê malbatên şehîdan hatin pêxistin.
RENGÊN NEWROZÊ QAD XEMILANDIN
Qadên bajar û bajarokên Herêma Bakur û Rojhilatê Sûriyeyê bi rengên Newrozê, wêneyên Rêber Abdullah Ocalan û alên xwecihî hatin xemilandin.
BEŞDARIYA GIRSE YA ŞÊNIYAN HEVGIRTINA GEL NÎŞAN DIDE
Di şahiyan de bi hezaran şêniyên ji hemû beşên civakê û pêkhateyan bi cil û bergên xwe yên folklorî û neteweyî beşdar bûn. Di Newroza îsal xelkê tevahî herêmên cuda yên Sûriyeyê beşdar dibin, ev jî nîşaneya rihê hevgirtina gel nîşan dide.
(mh/fr)
ANHA
QAMISLO
TEBQA
HELEB
amudê
Dirbêsiyê
hesekê
girkê legê
reqa
dêrik
kobanê
tirbesipiyê
