Meclisa Olî ya Dêrazorê hat avakirin

Kongreya Îslama Demokratîk a Herêma Bakur û Rojhilatê Sûriyeyê bi armanca xurtkirina jiyana hevbeş mecliseke olî li kantona Dêrazorê ava kir.

ROJANE

26 sibat, 2025 17:47

DÊRAZOR

Bi armanca xurtkirina jiyana hevbeş a olî, Kongreya Îslama Demokratîk a Herêma Bakur û Rojhilatê Sûriyeyê Meclisa Olî ya kantona Dêrazorê ava kir. Di merasîna ragihandina avakirinê de bi dehan şêniyên kantonê, nûnerên Meclisa Al El Beyt a Bakur û Rojhilatê Sûriyeyê, nûnerên eşîrên herêmê û nûnerên Kongreya Îslama Demokratîk beşdar bûn.

Di serî de endamê Kongreya Îslama Demokratîk Ehmed Ferec El Dahir diyar kir ku cewhera Îslamê li ser yekkirina hemû gel û miletan rabûye û got: "Îslam di nav xwe de gelek netewe hewandine û banga yekbûn û biratiya gelan dike."

Hevserokê Meclisa Rêveber a kangonê Mihemed El Dexîl avakirina meclisê pîroz kir û diyar kir ku peyama Îslamê aştî ye û armanc ji avakirina meclisê belavkirina hîndariyên Îslamê yên li ser bingeha edalet û wekheviyê ye.

Bi navê Meclisa Al El Beyt a Bakur û Rojhilatê Sûriyeyê Şêx Sînan Şêx Ehmed damezirandina meclisê pîroz kit û bang kir ku karê qenciyê bikin.

(mh/fr)

ANHA