Meclisa Leşkerî ya Siwêdayê: Em ê berxwedana xwe bidomînin

Meclisa Leşkerî ya Siwêdayê têkildarî pevçûn û êrişên ên li dijî Siwêdayê daxuyaniyek da.

Meclisê di daxuyaniya xwe de diyar kir ku di demekê de ku êrişên li ser xelkê Siwêdayê didomin, ew ji cîhanê re aşkera dikin ku ruhê berxwedanê yê ku xelkê bajêr ku di 2018ˊan de li dijî çeteyên DAIŞˊê yên terorîst hatiye raberkirin ew ruh îro li hember êrişên hovane yên li dijî herêmên dewam dike.

Meclisê destnîşan kir ku êrişên li dijî Siwêdayê berdewama êrişên DAIŞˊê û Cebhet El Nusra ne û li ber çav cîhanê êrişkaran diruşmeyên xwe hildan û sûc pêk anîn. Li hember van êrişan civînên navneteweyî çêdibin, di wan civînan de banga rawestandina êrişan tê kirin, lê li ser erdê tu bandora van biryaran tune ye, tenê xwînrijandin heye.

Di daxuyaniyê de hat gotin ku bawerî bi çareseriyên aştiyane û diyalogê heye û hat diyarkirin ku meclis hewl dide bi hikumeta veguhêz a Sûriyeyê re bigihîne lihevkirinekê, êrişan werin rawestandin û sivîl werin parastin, lê hîna tu bersiveke cidî yan jî gavên berbiçav ji bo çareserkirina vê krîzê nehatiye wergirtin.

Meclisê ji dezgehên çapemeniyê yên yekalî û komên navneteweyî yên eleqedar xwest ku bi awayekî lezgîn tev bigerin, sûcên qirkirina komî belge bikin.

Di dawiya daxuyaniyê de meclisê diyar kir ku ew ê berxwedan û parastina xwe bidomînin û kî dixwaze peywendiyê bi wê re deyne, dikare bi rêya kanalên fermî yên Meclisa Leşkerî ya Siwêdayê peywendiyê bike.

(fr)