Meclisa Leşkerî ya Minbicê şehîdekî xwe oxir kir

Xelkê kantona Minbicê cenazeyê şervanê Hêzên Meclisa Leşkerî ya Minbicê Elî El Mihemed El Berxolî oxir kir.

ROJANE

25 tîrmeh, 2024 22:14

MINBIC

Bi sedan xelkê knatona Minbicê, endamên Rêveberiya Xweseriya Demokratîk a kantonê, deste û saziyên girêdayî wê, partiyên siyasî, xet, meclisên bajêr, Rêxistinên Civaka Demokratîk, Meclisa Malbatên Şehîdan, Meclisa Kombûna Jınan a Zenûbiya, Meclisa Leşkerî ya Minbicê, Meclisa Leşkerî ya Jinan-Minbic, Hêzên Cebhet El Ekrad, şêx û rûspiyên eşîran beşdarî merasîma oxirkirina şehîd Elî El Mihemed El Berxolî bûn.

Di merasîmê de endama Meclisa Malbatên Şehîdan Ezîze Hesen axivî û got: "Şehîdan ewlehî û îstîqrar pêk anî. Em ê li ser şopa wan bin, destkeftiyên wan biparêzin."

Hevserokê Desteya Kar û Barên Civakî Farûq El Maşî axivî û got: "Dijminên me gelek in, lê em ê bi saya fedakariyên şehîdên xwe her kesên li dijî projeya me ne, têk bibin."

Yek ji fermandarên Meclisa Leşkerî ya Minbicê Îbrahîm El Şirêde got: "Em ji dagirkerî û çeteyên wê re dibêjin hewldanên we îradeya me têk nabin, ji wê zêdetir îsrara me ya berxwedanê xurt dibe."

Di dawiyê de wesîqeya şehîd hat xwendin û radestî malbatê hat kirin.

(fr)

ANHA