Meclisa Giştî ya Şêxmeqsûdê civînên girseyî li dar xistin

Meclisa Giştî ya taxên Şêxmeqsûd û Eşrefiyê ji bo bersivandina pirsên şêniyan û şîrovekirina bûyerên ku li Sûriyeyê rû dane û rû didin, civînên girseyî li dar xistin.

Komîteya ku ji nûnerên partiyên siyasî, saziyên sivîl, meclis û komînan pêk tê civîn ji gel re li dar xist.

Civîn li ser asta rojhilat û rojavayê taxên Şêxmeqsûd û Eşrefiyê bi komkirina xelkê her sê deveran li maleke welatiyan, tên lidarxistin.

Der barê mekanîzmeya birêxistinkirina civînan de destpêkê organîzekarên civînê axaftinên xwe dikin, dûre şênî jî nîqaş û pirsên xwe dikin. Her civînek saetekê dom dike. 

Di axaftinan de de tê diyarkirin ku Sûriye ji qonaxa rejîma Baasˋê ya paşguhkirin û tunekirina mafên pêkhateyan, derbasî qonaxeke bûye.

Her wiha behsa berxwedana şervanên li Bakur û Rojhilatê Sûriyeyê li hemberî êrişên dagirkeriyê yên dewleta Tirk a dagirker û çeteyên wê hate kirin û silavkirin.

Hat destnîşankirin ku hin dewlet hene, di serî de dewleta Tirk a dagirker dixwazin bi rêya êriş û dagirkirina bajarê Minbicê û kantona Efrîn û Şehbayê, Sûriyeya nû bixin rêya şaş.

Ji bo agahî bigihînin tevahî xelkê her du taxan wê civîn dewam bikin.

(mh/fr)

ANHA