Malbatên şehîdan ên Amûdê civîna salane li dar xist

Meclisa Malbatên Şehîdan a Amûdê li navenda Partiya Yektiya Demokratîk (PYD), bi beşdariya malbatên şehîdan ên bajêr û gundan, malbatên şehîdên ên koçberên Efrîn û Şehbayê û endamên meclisê, civîna xwe ya salane li dar xist.

Di civînê de endamê rêveber ê Meclisa Malbatên Şehîdan a Herêma Bakur û Rojhilatê Sûriyeyê Kawa Dêrik axivî. Kawa Dêrik behsa rewşa herêmê û ya Rêber Abdullah Ocalan kir û got herêm di qonaxeke hestiyar re derbas dibe û pêdivî bi hevgirtina tevahî pêkhateyan heye.

Kawa Dêrik diyar kir ku Rêber Abdullah Ocalan bingehên metoda neteweya demokratîk û modernîteya demokratîk danîn, wan jî hişt Komploya Navneteweyî ya li dijî wî bê kirin û bal kişand ser rola malbatên şehîdan di parastina felseya wî û domandina berxwedanê de.

Dûre endamê Meclisa Bajarê Amûdê Ehmed Ehmed perspektîfên meclisê dane pêşkêşkirin û hevserokê meclisê Ebdulqadir Şêxmûs rewşa rêxistinê û çalakiyên meclisê yên îsal aşkera kirin.

Paşê endamê Meclisa Malbatên Şehîdan a Kantona Cizîrê Zîwer Elî axivî û girîngî da pêşxistina xebata meclisê û girêdana bi xeta şehîdan ve.

Malbatên şehîdan jî nêrîn, pêşniyarên xwe pêşkêş kirin û girîngî da van xebatan; serdanên meclisê ji malbatên şehîdan re, pêwîst e wekhevî di destektayîna madî û manewî de hebe, nivîsgeha çavdêriyê ji bo şopandina malbatên şehîdan were avakirin, derfetên kar ji bo hevjînên şehîdan werin peydakirin, girîngiyeke mezin ji bo zarokên şehîdan were dayîn û mal li ser milkên giştî werin avakirin.

Meclisa Malbatên Şehîdan di dawiya civînê de rexneyên hatine kirin pejirandin û diyar kir ku ew van kêmasiyan derbas bikin û performansa xwe li gorî xwestekên malbatan bi pêş bixin.

(fr)