Li Tirbespiyê 38 şehîd hatin bibîranîn

38 şehîdên azadiyê yên mehên Mijdar û Kanûnê li navçeya Tirbespiyê hatin bibîranîn.

ROJANE

13 ÇILE, 2024 13:08

QAMIŞLO

Meclisa Malbatên Şehîdan a navçeya Tirbespiyê ya kantona Cizîrê ji bo 38 cangoriyên azadiyê; HPG, YPG, QSD, Hêzên Ewlekariya Hundirîn û welatî ku di mehên Mijdar û Kanûnê de li cihên cuda şehîd bûne, merasîmek li hola Partiya Yekitiya Demokratîk (PYD) li dar xist. Di merasîmê de malbatên şehîdan, endamên Meclisa Malbatên şehîdan, saziyên sivîl û şêniyên navçeyê hazir bûn.

Di merasîmê de sînevizyonek têkildarî şehîdan û têkoşîna wan hate pêşandan. Dûre endamê rêveberiya Meclisa Malbatên Şehîdan Nûredîn Şakir axivî û şehîdên azadiyê bi bîr anîn.

Şakir destnîşan kir ku armanca ji şerê taybet ê li herêmê tê meşandin û êrişên bi balafirên şer û bêmirov têkbirina destkeftiyan e.

Şakir diyar kir ku gelên herêmê îsbat kirin ku dikarin li hember van êrişan û astengiyan li ber xwe bidin û got, ew êriş vîna gelên herêmê naşikîne.

Di dawiya merasîmê de wesîqeyên şehadeta şehîdan hatin xwendin.

(şx)

ANHA