Li Til Temirê ji bo bîranîna 23 şehîdên Sibatê şitil hatin çandin

Şaredariya Gel a Til Temirê ji bo bîranîna şehîdên 23ˊyê Sibatê hemleya çandina hezar û 25 şitlan da destpêkirin. Ew şehîd di dema êrişên çeteyên DAIŞˊê yên 2015ˊan de li dijî Til Temirê de şehîd bûn.

ROJANE

25 sibat, 2024 18:14

HESEKÊ

Hemwextî salvegera 9ˊan a êrişa çeteyên DAIŞˊê li dijî Til Temirê ya kantona Cizîrê ku di 23ˊyê Sibatê de pêk hatiye û ji bo bîranîna karwana şehîdên bersiva êrişên çeteyan daye, Şaredariya Gel a Til Temirê hemleya çandina şitlan li bajêr da destpêkirin.

Bi beşdariya endamên saziyên civaka sivîl, şêxên eşîran, nûnerên partiyên siyasî, endamên şaredariyê, malbatên şehîdan û xelkê navçeyê hemle hat destpêkirin.

Çandina şitlan li têketina navçeyê aliyê başûrê; li ser rêya navbera Til Temir û Hesekê dest pê kir. Çaverê ye heta çandina hezar û 25 şitlan çandin dewam bike; ji wan 900 şitilên xurmê û 125 ên sinoberê ne.

Endamê Desteya Rêverber a Partiya Asûrî ya Demokratîk Wail Mîrza got: "23ˊyê Sibatê li ser gundên Xabûrê salvegera reş e. Bersiva me ji bo xwediyên alên reş ew e ku em kesakahiyê li bajarê xwe vegerînin."

Mîrza spasiya kedên Kurd, Ereb, Asûr û Suryanên Til Temirê kir.

(fr)