Li Tebqayê ji bo azadiya Rêber Abdullah Ocalan meş

Şêniyên kantona Tebqayê bi meşekê banga pêkanîna azadiya fîzîkî ya Rêber Abdullah Ocalan kir.

ROJANE

10 mijdar, 2024 18:42

TEBQA

Yekitiya Jinên Ciwan a kantona Tebqayê bi daxwaza pêkanîna azadiya fîzîkî ya Rêber Abdullah Ocalan meşek li dar xist. Di meşê de bi sedan şêniyên kantonê, nûnerên Rêveberiya Xweser, deste û meclisên wê, Meclisa Partiya Sûriya Pêşerojê, Kombûna Jinan a Zenûbiya û Hêzên Ewlekariya Hundirîn beşdar bûn.

Meşê ji taxa yekemîn dest pê kir û ber bi avahiya Yekitiya Xwendekarên Welatparêz a taxa duyemîn ve bi rê ket.

Li wir rêvebera Yekitiya Jinên Ciwan a kantonê Xufran El Sexîr bêdengiya hêzên navneteweyî û rêxistinên mafên mirovan li hemberî komploya li dijî Rêber Abdullah Ocalan, pergala qirkirin û êşkenceyê ya li dijî wî, şermezar kirin.

Xufran El Sexîr soza domandina têkoşînê û şopandina rêya şehîdan ji bo pêkanîna azadiya fîzîkî ya Rêber Abdullah Ocalan nû kir.

Endamê Însiyatîfa Azadiya Rêber Abdullah Ocalan a Sûriyeyê ya kantonê, Ebdullah Mebrûk destnîşan kir ku sekna gel di vê meşê de, peyamekê dide cîhanê ku azadiya Rêber Abdullah Ocalan azadiya gel e û rêya tekane ya pêkanîna aştiyê ye.

(mh/fr)

ANHA