Li Tebqayê Festîvala Aştiyê ya Zarokatiyê dest pê kir

5`emîn Festîvala Aştiyê ya Zarokatiyê li ser dika Şano ya Şehîd Musena Ebdulkerîm a li Navenda Çand û Hunerê ya kantona Tebqa bi diruşma ˊEz zarok im…ez pêşeroj imˊ hat dest pêkirin.

Festîval ji 2019ˊan ve tê lidarxistin û tê de 45 zarokan beşdar bûbûn. Îro jî 5ˊemîn Festîvala Aştiyê ya Zarokatiyê bi beşdariya 650 zarokî li dar dikeve. Armanca festîvalê piştgiriya zarokan û behreya wan e.

Bi sedan xelkê kantonê, zarok, nûnerên ji Rêveberiya Xweseriya Demokratîk, Rêxistinên Civaka Sivîl beşdar bûn.

Hevserokê Desteya Çand û Hunerê ya kantona Tebqa Elî El Elaye di vekirina festîvalê de axivî.

Dûre hevserokê Meclisa Rêveber a Kantona Tebqa Ehmed El Omer axivî û got armanca lidarxistina festîlvaê behreyên zarokan werin xurtkirin, piştgiriya wan di aliyên derûnî û manewî de were kirin ku civakeke ewle were gihandin, xebata kolektîv, têkilî û girêdan were xurtkirin.

Di festîvalê de koma Çiqilê, koma Navenda Afirandinê û koma Navenda Maharat hunerên xwe pêşkêş kirin.

Li kêlek wê jî Baxçeya Desteya Jinan a kantona Tebqa bi navê ˊEmîratˊ kansertek pêşkêş kir û çalakiyeke din bi navê ˊBavoˊ pêşkêş kir.

Di çalakiya werzîşê de koma Taykwando ya zarokan a kantona Tebqa çalakiyeke werzîşî pêşkêş kir.

Çalakiyên festîvalê 3 rojan dewam dikin; 2 roj li Tebqa û roja dawî li bajarê Curniye.

(fr)

ANHA