Li Tebqayê eşîrên Şefrat û Umêrat li hev hatin

Piştî nakokiyeke berê ku di encamê de birîndarî ji her du eşîran çêbûbûn, eşîrên Şefrat û Umêrat ên kantona Tebqayê li hev hatin. Di rûniştinê de hat gotin ku divê rûpela nakokiyan were girtin û aştiya navxweyî were bipêşxistin.

ROJANE

17 mijdar, 2025 19:11

TEBQA

Bi çavdêriya Koordînasyona Têkiliyan a Herêma Bakur û Rojhilatê Sûriyeyê û bi destpêşxerêya şêx û rûspiyên eşîran, Meclisa Rûspiyan, Kongreya Îslama Demokratîk, Nivîsgeha Têkiliyên Hêzên Sûriya Demokratîk (QSD) û Nivîsgeha Têkiliyan a Hêzên Ewlekariya Hundirîn a kantona Tebqayê eşîrên Şefrat û Umêrat ên kantona Tebqayê li hev hatin. Di navbera her du eşîran berê nakokî hebûn û ji her duyan birîndarî çêbûbûn.

Her du alî li bin konê ku Hêzên Ewlekariya Hundirîn ên kantonê kom bûn. Di bin konê de bûyerên ji ber nakokî çêbûbûn hatin nîqaşkirin. Beşdaran diyar kir ku pêwîstî bi hevgirtinê di nava eşîran de heye, fitneyan werin têkbirin, hevgirtina civakî were xurtkirin û li hember hewlên têkbirina ewlehî û îstîqrarê bisekinin.

Komîteya nirxandinê ya Meclisa Olê ya kantona Tebqayê jî biryar da ku eşîra Şefrat 15 hezar dolar weke beşek ji lihevkirinê, bide eşîra Umêrat.

Di dawiya rûniştinê de rûspiyên her du aliyan silav da hev û peymanek îmze kir ku dijminahiya hev nekin, rûpela nakokiyê bigirin û aştiya navxweyî xurt bikin.

(fr)

ANHA