Li Reqayê şehîd hat oxirkirin û merasîma xiyabî hat lidarxistin

Şêniyên kantona Reqayê cenazeyê şervanê QSD'ê şehîd Hesen Mihemed El Elî oxir kir û merasîna xiyabî ya şervanê HXP'ê şehîd Silêman Mûsa El Fehid li dar xist. Şêniyan soza şopandina rêya şehîdan dubare kir.

ROJANE

3 hezîran, 2025 17:10

REQA

Şêniyên kantona Reqayê, endamên saziyên sivîl û leşkerî, Meclisa Kombûna Jinan a Zenûbiya, partiyên siyasî û rûspiyên eşîran li pakrewangeha bajarokê Hikûmiye yê bakurê bajarê Reqayê û di merasîma oxirkirina şervanê Hêzên Sûriya Demokratîk (QSD) Hesen Mihemed El Elî û merasîma xiyabî ya şervanê Hêzên Xweparastinê (HXP) şehîd Silêman Mûsa El Fehid de, beşdar bûn.

Şehîd Hesen di 1'ê Hezîranê de di dema pêkanîna erkê xwe de şehîd bû û şehîd Silêman jî di 9'ê Kanûna 2024'an de di êrişên dewleta Tirk a dagirker û çeteyên wê de yên li dijî bendava Tişrînê, şehîd bû.

Di serî de endamê Meclisa Malbatên Şehîdan a kantona Reqayê Ehmed El Şêx sersaxî da malbatên şehîdan û soza şopandina rêya wan dubare kir.

Fermandarê Meclisa Leşkerî ya Reqayê Riyad El Xelef jî soza şopandina rêya şehîdan û domandina xebatên parastina herêmê dubare kir.

Di dawiya merasîmê de wesîqeyên şehadetê yên herdu şehîdan hatin xwendin û ji bo malbatên wî hatin radestkirin. Cenazeyê şehîd Hesen jî bi tilîliyên dayikan û siloganên "Şehîd Namirin" hat oxirkirin.

(mh)

ANHA