Li Reqayê pêşbaziya hespan

Bi beşdariya siwaran ji kantonê Reqa, Cizîrê, Dêrazor û Firatê, pêşbaziya hespên esîl hat lidarxistin.

ROJANE

8 mijdar, 2024 14:54

REQA

Yekitiya Werzîşê ya Kantona Reqayê û Desteya Ciwan û Werzîşê ya Herêma Bakur û Rojhilatê Sûriyeyê, bi beşdariya siwarên ji kantonên Reqa, Cizîr, Dêrazor û Firatê pêşbaziyeke hespên esîl li dar xist.

Pêşbazî li bajarê Reqayê bi amadebûna endamên Yekitiya Werzîşê ya Kantona Reqayê, Meclisa Werzîşê, şêx û rûspiyên eşîran û nûnerên Rêveberiya Xweser pêk hat.

Di pêşbaziya hezar metreyî de Mihemed El Hadîn û Hedîb El Elî yên ji Reqayê, di pêşbaziya 2 hezar metreyî de Mecid El Ezîz ê ji Dêrazorê bi ser ketin. Di pêşbaziya 800 metreyî de Zeyd El Elî yê ji Hesekê û di ya hezar û 400 metreyî de Behr El Hesen û Girnas El Hadî, Herdan El Elî yên ji Reqayê jî bi ser ketin. Di pêşbaziya hezar û 600 metreyî de Şûcaî El Seyîd û Îsa El Heqî yên ji Reqayê û Hozan El Yûsif ê ji Kobanê bi ser ketin. Di pêşbaziya 10ˈan a dawîn de jî Wedah El Hemad ê ji Reqayê bi ser ket.

Siwarên serketî û endamên Asayîşê ji ber keda wan a parastina ewlehiya pêşbaziyê, hatin xelatkirin.

(bb)

ANHA