Li Reqayê gelek kes hatin girtin

Hêzên Ewlekariya Hundirîn gelek kes bi tawana derxistina tevliheviya di navbera êlên Midlic û Cemasê de, li kantona Reqayê girtin.

29 ÇILE, 2024 12:33

NAVENDA NÛÇEYAN

Li gorî daxuyaniya ku Navenda Ragihandinê ya Hêzên Ewlekariya Hundirîn a Bakur û Rojhilatê Sûriyeyê daye, li ser daxwaza rûspiyan operasyoneke ewlehiyê li rojhilatê kantona Reqayê dane destpêkirin û “gelek kesên destê wan di tevliheviya li wir çêbûye de hebûn”, girtine.

Navendê ev agahî da: "Li ser daxwazên rûspî û şêniyên Reqayê, hêzên me bi hevkariya Hêzên Sûriya Demokratîk (QSD) vê sibê, piştî nakokiya di navbera êla El Midlic û Cemasê de çêbûye, operasyonek li rojhilatê Reqayê li dar xist.

Di operasyonê de kesên destê wan di wê tevliheviyê de heye û yên xwe vedişartin, girtin û çekên bi wan re desteser kirin.

Em destnîşan dikin ku dê rê li pêşiya kesên dixwazin tevliehviyê û xirabiyê li herêma me belav bikin, bigirin û ewlehiya herêmên xwe biparêzin."

(şx)

ANHA