Li Reqayê 2`yemîn Olîmpyada Atlatîkê

Li Reqayê 2`yemîn Olîmpyada Atlatîkê bi beşdariya zêdetirî 50 werzîşvan dest pê kir.

ROJANE

27 îlon, 2025 22:30

REQA

Yekitiya Werzîşê ya Herêma Bakur û Rojhilatê Sûriyeyê di Stada Beledî ya Reqayê de 2`yemîn Olîmpyada Atlatîkê li dar xist.

Zêdetirî 50 werzîşvan ji kantonên Reqa, Tebqa, Firat, Cizîr û Dêrazorê tev li olîmpyadê bûn.

Koç Xidir Ebas destnîşan kir ku olîmpyad, ji bo avakirina zemîneke werzîşî ya giştî, gaveke girîng e.

Ebas diyar kir ku stada heyî, derfetê nade ku pêşbirgên bezê yên 8 kolanan bên lidarxist. Lewma komîteya amadekar, werzîşvanên beşdar dabeşî 4 kolanan kirin. Bez dê li ser 100, 200 û 800 metreyî be.

Ebas wiha domand: “Em hêvî dikin ku li ser asta dibistanan olîmpyadan li dar bixin. Ji bo pêşbirgên bezê werzîşvanên bi behre hilbijêrin. Nemaze di dûrahiyên 800, 1500 û 10000 metreyî.”

Di olîmpyadê de, gelek behre derketin jê werzîşvanê ciwan ê pileya yekemîn di pêşbirga 100 metreyî de di dema 11 deqe û 57 xuleyan de, bi ser ket. Ev îsbat dike ku behreyên veşartî yên nifşa nû gelek in.

Di dawiya olîmpyadê de, her sê werzîşvanên yekemîn hatin xelatkirin.

(şx)

ANHA