Li Qamişloyê şervanekî QSDˊê hat oxirkirin

Gelê bajar û bajarokên kantona Cizîrê, nûnerên partiyên siyasî, oldar, şêx û rûspiyên eşîrên Ereb û Kurd, saziyên bajêr cenazeyê şervanê QSDˊê şehîd Polat Xanîk (Silêman Îsa Ehmed) ê di 7ˊê Çilyê de, di encama nexweşiyê de şehîd bûye, li Pakrewangeha Şehîd Delîl Saroxan oxir kir.

Merasîmê bi deqeyek rêzgirtinê dest pê kir. Dûre endamê Meclisa Malbatên Şehîdan a Qamişloyê, endamê Meclisa Leşkerî ya Qamişloyê Kawa Kawa, Şêwirmendê Êla El Cibûr Ekrem Mehşûş, Rêveberê Giştî yê Nexweşxaneya Gel a Qamişloyê Ciwan Hemê axivîn. Axêveran behsa taybetmendiyên şehîd kir, sersaxî ji malbatê û gelê herêmê xwest.

Axêveran soza parastina destkeftiyên şehîdan û pêkanîna armancên wan dubare kir.

Birayê şehîd, Mihemed Ehmed jî got: "Şehîd Silêman şagirtê Rêber Apo bû. Bila serê hezkirî û dostên wî, kadroya tibî sax be."

Merasîm bi xwendîna wesîqeya şehîd û radestkirina ji malbatê re bi dawî bû.

Şehîd Polat Xanîk, di Şoreşa 19ˊê Tîrmehê de di van cihan de cih girt; cîgirê Desteya Tenduristiyê, navê wî wek bijîşk navdar a dermankirina şervanên li eniyan birîndar dibin derket pêş, yek ji damezrînerên Înîsiyatîfa Azadiya Rêber Abdullah Ocalan a Sûriyeyê, endamê Akademiya Zanistên Leşkerî ya QSDˊê, endamê Akademiya Zanistên Civakî ya Rêber Abdullah Ocalan bû. Şehîd di salên 1986ˊan de Rêber Apo dît.

(fr)

ANHA