Li Qamişloyê şehîd Zeyneb Kinacî hat bibîranîn

Kongra Star li taxên Qidorbeg û Meyselon ên bajarê Qamişloyê, bi boneya salvegera şehadeta 30ˊemîn a têkoşer Zîlan (Zeyneb Kinacî) civîn li dar xistin.

21 hezîran, 2026 20:28

QAMIŞLO

Di çarçoveya çalakiyên bi boneya bibîranîna şehadeta têkoşer şehîd Zîlan (Zeyneb Kinacî) ya ku di 30ˊyê Hezîrana 1996ˊan de şehîd bûbû de Kongra Star li taxa Qidorbeg û Meyselon ên Qamişloyê bi amadebûna şêniyan civîn li dar xistin.

Civîn bi deqeyek rêzgirtinê dest pê kir. Di civînan de rêwîtî û têkoşîna şehîd Zîlan û rola wê di tevgera azadiya Kurdistanê, rola jinan Kurd û gerîlayan li hember astengiyan hatin vegotin.

Axêveran di civînan de behsa çalakiya fedaî ya ku şehîd Zîlan li dilê dewleta Tirk kiriye, kir û îşaret bi cihê sembolbûna wê hat kirin. Hat gotin ku Rêber Abdullah Ocalan şehîd Zîlan ji ber temsîlkirina wê ji nirx û têkoşînê re bi felsefeyê wesif kir.

Her wiha behsa şopandina keçên Rojava a rêça şehîd Zîlan û Sekîne Cansizê di Şoreşa Rojava û fedakariyan de hat kirin.

Civîn bi pêwîstiya parastina mîrasa şehîdan, diruşmên silavkirina berxwedan û fedakariyên şehîdan bi dawî bû.

Li Qamişloyê, bi vê boneyê, wê rêzecivîn û çalakî werin organîzekirin.

(fr)

ANHA