Li Qamişloyê 745 şehîd hatin bibîranîn

Meclisa Malbatên Şehîdan a Qamişloyê 745 şoreşgerên tevgera rizgariya Kurdistanê û Rojava yên di mehên Çile, Sibat, Adar, Nîsan, Gulan, Hezîran û Tîrmehê yên salên cuda de şehîd bûbûn li Hola Pakrewangeha Şehîd Delîl Saroxan a bajêr bi bîr anîn.

Merasîmê bi deqeyek rêzgirtinê dest pê kir, dûre Mahsûm Hesen li ser navê Meclisa Malbatên Şehîdan axivî.  Mahsûm, şehîd Mahsûm Korkmaz û hevrêyên wî bi bîr anîn û soza şopandina rêça şehîdan heta serkeftinê da.

Hesen diyar kir ku bibîranîna şehîdan ne tenê merasîm û rakirina wêneyên wan e, lê dive ew di tevahî aliyên jiyanê de amade bin.

Hesen îşaret bi guhertinên di 2026’an de pêk hatine weke planên navneteweyî û projeyên li Rojhilata Navîn û Rojava kir û bang li gel kir ku xwezaya qonaxa heyî bizanin û ji daxwazên wê re amade bin.

Hesen anî ziman ku şoreş bi dawî nebûye û nirxên şehîdan hîna parastî ne û rêbazên têkoşîn û berxwedanê bi guhertina şert û mercan de diguherin.

Di merasîmê de dayikan mûm li ber wêneyên şehîdan pêxistin.

Piştre sînevîzyonek li ser têkoşîna şehîdên Kurdistanê ji berxwedana 14’ê Tîrmehê bigire heta bi Pêngava 15’ê Tebaxê û Şoreşa Rojava hat temaşekirin.

Merasîm bi diruşmên “şehîd namirin” bi dawî bû.

(f)

ANHA