Li Qamişlo 166 şehîd hatin bibîranîn

Xelkê Qamişloyê 166 şehîdên mehên Kanûn û Çileyê bi bîr anîn û got ew bi metod û nirxên şehîdan ve girêdayî ne û li hember êrişên dewleta Tirk a dagirker disekinin.

ROJANE

25 ÇILE, 2024 16:57

QAMIŞLO

Pêkhateyên Qamişlo û malbatên 166 şehîdan tevî hildana wêneyên şehîdan û wesîqeyên şehadetên wan berê xwe da Goristana Şehîd Delîl Saroxan.

Şehîd ji gerîla, QSDˊê, YPJˊê, YPGˊê, Hêzên Ewlekariya Hundirîn Sotoro ne. Di dem û cihên cuda de di nava tevgera rizgariya Kurdistanê, Şoreşa Rojava, Bakur û Rojhilatê Sûriyeyê, berxwedana li dijî dewleta Tirk a dagirker û sekna li dijî êrişên çeteyên DAIŞˊê li ser herêmê deşehîd bûbûn.

Endama Meclisa Malbatên Şehîdan a Qamişlo Şîrên Hesen tevahî şehîdên tevgera rizgariya Kurdistanê bi bîr anîn û wiha got: "Bi ruhê şehîdan em ê têkoşînê dewam bikin û li hember êrişên dewleta Tirk a dagirker ên li dijî Herêma Bakur û Rojhilatê Sûriyeyê bi hevgirtin û girêdana bi metoda şehîdan bisekinin."

Dûre navên 166 şehîdan hatin xwendin û bi serdana gorên şehîdan ji hêla malbatan ve merasîm bi dawî bû.

(fr)

ANHA