Li Minbic, Dirbêsiyê û Hol çalakiyên têkildarî komploya navneteweyî

Bi nêzbûna 9ʹê Cotmehê ku dîroka destpêka komploya navneteweyî ya li dijî Rêber Abdullah Ocalan û derketina wî ji Sûriyeyê ye, ji bo nîqaşkirina komployê û rêbazên pêkanîna azadiya fîzîkî ya Rêber Abdullah Ocalan çalakî hatin lidarxistin.

MINBIC

Komîteya Însiyatîfa Jinan a Azadiya Rêber Abdullah Ocalan a kantona Minbicê li hola Navenda Çand û Hunerê ya Minbicê semînerek da. Di semînerê de endamên Rêveberiya Xweseriya Demokratîk a Kantona Minbicê, partiyên siyasî, Meclisa Kombûna Jinan a Zenûbiya, Meclisa Malbatên Şehîdan, Rêxistinên Civaka Demokratîk û şênî beşdar bûn.

Rêvebera meclisên sivîl ên Minbicê Meryem Reşîd axivî û got: "Komploya li dijî gelên Rojhilata Navîn dewam dike. Destpêka wê li ser Rêber Abdullah Ocalan bû. Şerên li Rojhilata Navîn jî di bingeh de komploya navneteweyî ya li dijî Rêbertî ye. Armanca sereke ya komployê tevgerên rizgariya gelan tune bikin."

Dûre sînevîzyonek li ser komploya navneteweyî û têkoşîna gelên azad a ji bo têkbirina komployê û pêkanîna azadiya fîzîkî ya Rêber Abdullah Ocalan hat pêşkêşkirin.

DIRBÊSIYÊ

Di vê çarçoveyê de rêxistina Partiya Yekitiya Demokratîk (PYD) a Dirbêsiyê ji xelkê bajarokên Sêgir û Xenamiyê yên bajêr re civînek li hola Îvan a bajarokê Sêgir li dar xist.

Di civînê de hevserokê PYDʹê yê bajarokê Sêgir Mihemed Nebî Kotî axivî û got: "Fikra Rêbertî ji fikrên kapîtalîstê ku her tim fikrên Rêbertî li pêş projeyên xwe yên dermirovî asteng didîtin, cuda bû. Ji ber ku ew Rêberê projeya konfedraliya demokratîk li Rojhilata Navîn e."

Civîn di silogana ʹBê Serok Jiyan Nabeʹ bi dawî bû.

HOL

PYDʹê li gundê Nefayil li xeta bakur ê bajarê Holê bi beşdariya şêniyan civînek li dar xist.

Di civînê de hevserokê PYDʹê Emar Mûsa Rastiya Rêbertî û jiyana Rêber Abdullah Ocalan a di serxistina projeya neteweya demokratîk ji Rojhilata Navîn re axivî.

Beşdarên civînê soza şopandina têkoşînê û banga pêkanîna azadiya fîzîkî ya Rêber Abdullah Ocalan da.

(fr)

ANHA