Li Kobanê şehîd Jînda Botan hat oxirkirin û şehîd Qehreman hat bibîranîn

Bi sedan şêniyên Kantona Firatê endamên sazî û dezgehên girêdayî Rêveberiya Xweser fermandara YPJ`ê Jînda Botan (Sîham Îbrahîm) ku di 25'ê Kanûna 2024'an li Qereqozaq şehîd bûbû, îro li Pakrewangeha Şehîd Dîcle oxir kirin. Her wiha gerîlayê HPG'ê Qehreman Kobanê (Mistefa Henêfî) ku di 17'ê Hezîrana 2019'an li Zapê şehîd bûbû, hat bibîranîn.

 Merasîm bi deqeyeke rêzgirtin dest pê kir, dûre hevseroka Desteya Jîngehê ya Kantona Firatê Almaz Romî sersaxî ji malbata şehîdan re xwest.

 Almaz Romî diyar kir ku piştî hilweşandina rêjîma Baasê çeteyên DAIŞ`ê xwestin axa Rojava dagir bikin û got: “Şervanên me bi berxwedaneke bê hempa li hember çeteyên DAIŞ`ê dan meşandin. Şervanên me bi xwedana xwe êrişên dagirkeriyê di bendava Tişrînê de û di pira Qereqozaqê de têk birin. Em jî bi wê rihê berxwedana şervanên xwe tê bikoşin û li ber xwe bidin heta dawiyê. Em soz didin ku em ê şopdarê rêya wan bin.”

 Piştî axaftinê wesîqaya şehadetê ya şehîd Jînda Botan û Qehreman Kobanê hate xwendin û radestî malbata wan hate kirin.

 Di dawiya merasîmê de cenazeyê şehîd Jînda botan bi tiliyên serkeftinê û bi dirûşma “Şehîd namirin” hat oxirkirin.

 (sş)

 ANHA