Li Hesekê siberoja Sûriyeyê hat gotûbêjkirin

Li bajarê Hesekê di panelekê de guhertinên siyasî yên li herêmê û cîhanê û bandora wê li ser siberoja Sûriyeyê hate gotûbêjkirin.

ROJANE

18 cotmeh, 2025 22:30

HESEKÊ

Yekîtiya Rewşenbîran li Kantona Cizîrî û Partiya Yekîtiya Demokratîk PYD li bajarê Hesekê panelek bi sernavê "Rewşa Siyasî û siberoja Sûriyeyê" li dar xistin. Panel li Bexçeyên Xwendinê yê bajêr bi beşdariya komek rewşenbîr, siyasetmedar û nûnerên partiyên siyasî hat lidarxistin.

Panel bi deqeyek rêzgirtin dest pê kir, piştre endama desteya Serokatiyê ya PYD Sama Bekdaş, li ser rewşa siyasî li qonaxa heyî û guhertinên jeopolîtîk ên li herêmê axivî. Bekdaş destnîşan kir ku li cîhanê niha şerkeî dijwar li ser çavkaniyan, enerjiyê û pêşkeftina teknolojîk tê kirin.

Sema her wiha diyar kir ku herêma Bakur û Rojhilatê Sûriyeyê bûye faktorek girîng di hevkêşeya Sûriyeyê de, û bêyî lihevhatina bi nêrîna herêmê re, ti projeyek siyasî ya nû li Sûriyeyê nayê bidestxistin.

Beşdarên panelê jî der barê siberoja Sûriyeyê û rêyên pêkanîna aramiya siyasî, nêrînên xwe anîn ziman. Beşdaran xwest ku civînên bi vî rengî berdewam bikin ji bo pêşxistina diyalog û hişmendiya siyasî.

(k)