Li Helebê daxwaza azadiya fîzîkî ya Rêber Abdullah Ocalan hat kirin

Şêniyên taxa Şêxmeqsûd, Eşrefiyê û koçberên Efrînê bi çalakiyekê daxwaza azadiya fîzîkî ya Rêber Abdullah Ocalan kirin û banga avakirina civakeke wekehev û aştiyane kirin. Ev çalakî ji aliyê Meclisa Jinan a malbatên Şehîdan li Helebê hate lidarxistin.

ROJANE

6 kanûn, 2025 18:05

HELEB

Insyatîfa Jinan ya azadiya Rêber Abdullah Ocalan bi hevkariya Meclisa Jinan a malbatên Şehîdan li Helebê meşek li dar xistin, çalakgeran daxwaza azadiya fîzîkî ya Rêber Apo kirin.

Koçberên bajarê Efrîn, endam û nûnerên partiyên siyasî, saziyên sivîl, meclis, komîn û Hêzên Ewlehiya Hundirîn beşdarî çalakiyê bûn, wêneyê Rêber Abdullah Ocalan û pankartek bi nivîsa "Bi rihê komînal û civaka demokratîk, em ê bi Rêber Apo re bi azadî bijîn" vekirin.

Meş ji çerxereya Zeytûnê ya li taxa Eşrefiyê ya Helebê dest pê kir heya çerxereya Şehîdên Şoreşê ya li taxa Eşrefiyê ve çû.

Li wir, piştî deqeyek rêzgirtinê, endama Înîsiyatîfa Jinan ji bo Azadiya Rêber Abdullah Ocalan Ronahî Yûsif axivî û diyar kir ku pêwîst e Rêber Abdullah Ocalan azad bibe da ku pêşengiya pêvajoya aştiyê bike.

Rêvebera Meclisa Jinan a Partiya Yekîtiya Demokratîk Hefîza Hisên diyar ku Rêber Abdulla Ocalan felsefeya yekitî û lihevhtinê ava kiriye û ji bo her kesê ku dixwaze cicakek dadmend û aştiyane ava bike bûye lêveger.

Meş bi qîrîna dirûşmeyên "Bê serok jiyan nabe" bi dawî bû.

(ac)

ANHA