Li Girkê Legê li ser 4ˊê Nîsanê rêzesemîner

Bi boneya nêzbûna rojbûna Rêber Abdullah Ocalan û pîrozbûna wê, li Bakur û Rojhilatê Sûriyeyê rêzeçalakî tên lidarxistin.

Bi vê boneyê, meclisa navçeyê bi hevkariya Nivîsgeha Partiya Yekitiya Demokratîk (PYD) li Girkê Legê rêzesemînerên cuda dan. Semîner li komên navçeyê, meclisa bajarokên Mistefawiyê û Eror ên li rojhilatê navçeyê hatin dayîn.

Di semînera ku li avahiya meclisa Eror hatiye dayîn de bi dehan xelkê navçeyê, endamên saziyên sivîl, xizmetguzarî û endamên meclisa bajarok beşdar bûn.

Hevseroka Şaredariya Gel a Girkê Legê Xaliya Selmo semîner da.

Xaliya wiha got: "Em hatina rojbûna Rêber Abdullah Ocalan li tevahî gelên bi fikrên wî bawer in û li ser şopa azadiyê dimeşin pîroz dikin."

Xaliya qonaxên jiyana wî û hin parçeyên têkoşîna wî yên heta niha bi bîr xistin û wiha domand: "Naskirina Rêber Abdullah Ocalan di naskirina rastiya wî de ye."

Xaliya anî ziman ku 4ˊê Nîsanê ji bo tevahî gelên rastiya wê rojê, fikir û felsefeya Rêber Abdullah Ocalan nas kirine, cuda ye, ji lew re ew roj, destpêka xelasiya gelên bindest ji zulm û înkarê ye.

Xaliya wiha pê de çû: "Li gorî me jinan, ew jidayikbûneke nû ye, ji ber ku fikir û felsefeya Rêbertî jin bi xwe dan nasîn û di oxira azadiya xwe de tê koşiyan ku fikir û felsefeya wî rêya yekane ya rizgarkirina wan ji zihniyeta baviksalariyê ye."

Xaliya wiha dawî li gotina xwe anî: "Divê em 4ˊê Nîsanê bikin roja civandina li dora Rêber Abdullah Ocalan, têkoşînê li ser bingehên fikir û felsefeya wî heta pêkanîna azadiya wî ya fîzîkî dewam bikin."

(fr)