Li Dirbêsiyê Şehîdên Meha Gulanê hatin bibîranîn

Tevgera Ciwanên Şoreşger a Sûriyeyê û Yekitiya Jinên Ciwan ên Dirbêsiyê li hola tevgerê bi çalakiyekê Şehîdên Meha Gulanê bi bîr anîn. Di çalakiyê de şênî û saziyên herêmê jî amade bûn.

Çalakiyê bi deqeyek rêzgirtinê dest pê kir. Dûre endama Navenda Çand û Hunerê Hewlêr Hiso li ser jiyana şehîd Haqî Karer û rêwîtiya wî ya têkoşînê axivî û got: "Meşa li ser şopa şehîdan metodeke bingehîn a berdewamkirina têkoşînê û girêdana bi nirxên azadiyê re ava dike."

Di çalakiyê de semînerek berfireh li ser jiyana şehîd Haqî Karer hat dayîn. Di semînerê de beşdariya Karer ya siyasî ya destpêkê di salên zanîngehê de û eleqeya wî ya destpêkê ya bi ramana şoreşgerî û mijarên civakî û siyasî li Tirkiyeyê ve hate vegotin. Her wiha rola wî di avakirina dendika yekem a Tevgera Azadiya Kurdistanê de li kêleka Rêber Abdullah Ocalan û piştgiriya wî ji bo mafên gelê Kurd û têkoşîna wî ya ji bo azadî û demokrasiyê hate destnîşankirin.

Di semînerê de bûyera şehadeta Haqî Karer di sala 1977ˊan de li bajarê Dîlokê hate vegotin ku vê yekê di dîroka tevgerê de xalek girîng ava kir û biryardariya hevalên wî ji bo berdewama têkoşîn û rêxistinê xurttir kir û navê wî di bîranîna tevgera şoreşger de wekî sembola fedakarî û têkoşînê ma.

(fr)

ANHA