Li bajarê Sûsê yê Dêrazorê civînek ji gel re hat organîzekirin

Di çarçoveya rêzecivînên ku Meclisa Leşkerî ya Dêrazorê û Rêveberiya Xweseriya Demokratîk a kantona Dêrazorê li dar dixe de, îro civîna sêyemîn li bajarê Sûsê yê gundewarê rojhilatê kantonê hat organîzekirin. Di civînê de rewşên siyasî û aborî yên li herêmê hatin nîqaşkirin û li dawazên şêniyan hatin guhdarkirin.

Di civînê de rûspiyên eşîran, hejmarek ji şêniyan, nûnerên ji saziyên sivîl û komîteyên li bajarê Sûsê amade bûn. Li daxwazên şêniyan ên xizmetguzarî û debarê hat guhdarîkirin û pêşdeçûnên siyasî û rêveberî yên dawî hatin nîqaşkirin.

Düre şêwirmenda Rêveberiya xweseriya Demokratîk a kantona Dêrazorê Dîlar Derwêş axivî. Dîlar di axaftina xwe de bal kişand ser rewşa siyasî, şerê ragihandinê û taybet ê li dijî herêmê bi giştî.

Li kêlek wê Dîlar bûyerên li perav û Siwêdayê, peymana 10ˊê Adarê û girîngiya wê ji bo Sûriyeyê, destwerdana dewleta Tirk a dagirker li bakurê Sûriyeyê şîrove kirin.

Li aliyekî din jî ji fermandarên Meclisa Leşkerî ya Hecînê Xebat El Şiêtî axivî û girêdana meclise bi rêgezên neteweya demokratîk û şopandina metoda şehîdan anî ziman û got ew dev ji xakên bi xwînê hatine rizgarkirin bernadin.

El Şiêtî bal kişand ser armanca meclise ku parastina ewlehî û îstîqrara şêniyan dike û ew ê heta pêkanîna îstîqrara û aştiyê li tevahî Sûriyeyê li ser vê metodê be.

Hevseroka Meclisa Rêveber a kantona Dêrazorê Şehnaz El Hefel jî diyar kir ku girîng e ku di rêvebirina qonaxa bê de vîna gelan bingeh be, projeyên li herêmê hatine pêkanîn û yên di pêkanînê de ne peşkeş kirin.

Di dawiya civînê de şêniyan got ew amade ne bi Rêveberiya Xweser re bin, piştgiriya qonaxa bê û projeya aştiyê ya li herêmê bikin û da zanîn ku divê girîngî ji bo aliye xizmetguzarî bê dayîn û daxwazên wan ên girêdayî av, kehrebe û xizmetguzariyên giştî nexasim di aliyê beşa çandiniya li herêmê de bên bicihanîn.

(fr)

ANHA