Li Babê teqîn: 4 çete birîndar bûn
Li bajarê Babê yê dagirkirî teqînek rû da û di encamê de 4 çeteyên dewleta Tirk birîndar bûn.
Çavkaniyên xwecih ragihandin ku duh êvarê kesên nenas bombeyeke destan avêtin nêzî banka çandiniyê ya kolana Zemzem a bajarê Babê û di encamê de 4 çete birîndar bûn.
Çavkaniyan navên çeteyên birîndar aşkera kirin ku Cîhad Wakî, Ebdo El Selcî, Ehmed Şêx Şewk û Mihemed El Necar in. Her wiha dan zanîn ku lingê Mihemed El Necar hatiye qutkirin û hemû li nexweşxaneyên bajarê Babê têne dermankirin.
Li herêmên dagirkirî, tevliheviya ewlehiyê serwer e. Bûyerên mîna kuştin û revandin zêde dibin û çete li ser mal û milkên şêniyan bi hev dikevin.
(şx/k)
