Amadekariyên lidarxistina kongreyeke aştiyê ya jinan

Meclisa Jinan a Sûriyeyê amadekariyên lidarxistina kongreyeke aştiyê dike.

JIN

23 tîrmeh, 2024 15:37

NAVENDA NÛÇEYAN

Meclisa Jinan a Sûriyeyê rêxistinên jinan ên li bajarê Hesekê têkildarî guhertinên di rêziknameya wan de çêbûne û plansaziya meclisê ji bo salên bê, agahdar kirin.

Meclisê meha Gulanê kongreya xwe li dar xistibû û ji bo ku rêxistinên jinan ên partiyan bi guhertinên di rêziknameyê de û plansaziya meclisê ji bo salên bê agahdar bike, civînek li dar xist.

Di civînê de hate aşkerakirin ku Komîteya Ciwanan, Komîteya Belgekirina Binpêkirin û Sûcên li dijî Jinan û Komîteya Kampan di kongreyê de hatine avakirin û beşdarên civînê bi koordînatorên nû yên meclisê hatin nasandin.

Di civînê de bendên rêziknameya nû û plansaziya salên bê hatin xwendin.

Têkildarî civînê berdevke Meclisa Jinan a Sûriyeyê ya Qamişloyê Megî Hiso got: "Ji bo pêkanîna encamnameya kongreyê, me ev civîn li dar xist.”

Megî destnîşan kir ku biryareke kongreyê jî lidarxistina kongreyeke aştiyê ya jinan li ser asta Sûriyeyê ye û di vî warî de xebatên wan berdewam in.

(şx)

ANHA