Kongra Star bi boneya 8'ê Adarê civînek li Hesekê li dar xist

Kongra Star di civînê de bal kişand ser girîngiya 8'ê Adarê û têkoşîna jinan a ji bo mafên xwe şîrove kir.

JIN

2 adar, 2026 15:30

HESEKÊ

Kongra Star di çarçoveya çalakiyên 8'ê Adarê Roja Jinan a Cîhanê de, civînek ji jinan re li Navenda Çand û Hunerê ya Xabûrê ya bajarê Hesekê li dar xist.

Civînê bi rêzgirtinê dest pê kir. Piştre endama Koordînasyona Kongra Star Xalide Botî axivî û behsa sedema ragihandina 8'ê Adarê wek Roja Jinan a Cîhanê kir.

Xalide Botî diyar kir ku di encama têkoşîna bi hezarên jinên karker ên ji bo bidestxistina mafên xwe de 8'ê Adarê wekî Roja Jinan a Cîhanê hat ragihandin û got bi saya vê têkoşînê îro jin cihê xwe di hemû qadan de digirin.

Xalideyê bal kişand see rola têkoşer Clara Zetkin û şehîd Sakîne Censiz û da zanîn ku şoreşa jinan heta roja îro bi bîrdoziya Rêber Abdullah Ocalan û rihê jinên azad û kedkar dewam dike.

Xalid Botî di dewama axaftina xwe de bi bîr xist ku azadiya civakê bi azadiya jinan ve girêdayî ye û bang li hemû jinan kir ku ji bo avakirina civakeke azad û demokratîk yekgirtî bin.

(bb)

ANHA