Konferansa Tevgera Ciwanên Şoreşger a Sûriyê ya Tebqayêhat lidarxistin
Konferansa 2'yemîn a Tevgera Ciwanên Şoreşger a Sûriyê ya Tebayê bi encamnameyekê bi dawî bû.
Tevgera Ciwanên Şoreşger a Sûriyê ya kantona Tebqayê bi dirûşma "Bi vejîna ciwanan em ê xwe rêxistin bikin û Rêber Apo azad bikin" konferansa xwe ya 2ˊyemîn li dar xist. Di konferansê de endamên tevgerê yên Tebqayê, Meclisa Ciwanan a Partiya Sûriya Pêşerojê û Yekitiya Jinên Ciwan beşdar bûn.
Di konferansê de şêwirmendê hevseroketiya Meclisa Rêveber a Rêveberiya Xweseriya Demokratîk a kantona Tebqayê Mazlûm Yûsif got: "Em ê bi gotina Rêber Abdullah Ocalan dest pê bikin; bi ruhê ciwanan me dest pê kir û bi ruhê ciwanan em ê bi ser bikevin. Ciwanên şoreşger stûna projeya neteweya demokratîk û bingeha civaka demokratîk a azad in. Wan ji bo projeya demokratîk a Herêma Bakur û Rojhilatê Sûriyeyê fedakarî kir."
Piştre konfernas li ber çapemenî û ragihandinê hat girtin û bi awayekî girtî dom kir. Tê de rewşa rêxistinî hat nîqaşkirin.
Di dawiya konferansê de daxuyaniyek ji bo çapemeniyê ji aliyê rêveberê tevgerê Ela Îbrahîm ve hat xwendin. Tê de encamname hatin diyarkirin. Ew jî ev in:
Perwerde werin zêdekirin, fikrên Rêber Abdullah Ocalan di nav ciwanan de bi rêya çalakiyên cûrbecûr werin pêkanîn, piştgiriya pêngava cîhanê ya 'Ji Abdullah Ocalan re azadî, ji pirsgirêka Kurd re çareseriya siyasî' were kirin, bi hevkariya Hêzên Têkoşîna Dijî Hişbirê ciwan li ser zirarên hişbirê di aliyên tenduristî û zihnî de werin perwerdekirin û hişyarkirin.
(mh)
ANHA
