Komîteyên Şedadê komkirina îmzeyan didomîne
Bi armanca komkirina 100 hezar îmze li navçe û gundewarên wê Meclisa Navçeya Şedadê bi rêya komîteyên xwe di roja 4ˊan de komkirina îmzeyan dewam dike.
Komîteyên dilxwaz ên navçeya Şedadê berê xwe da gundewarê navçeyê da ku îmzeyan kom bikin. Komîteyan li gundên Um Riz û Behsa dest bi komkirina îmzeyan kir. Li herêma başûrê navçeyê jî komîteyan karê xwe didomînin. Ev yek bi armanca komkirina hejmara herî zêde ya îmzeyan, pêşkêşkirina wan ji bo rêxistinên navneteweyî û hiqûqî û pêkanîna azadiya fîzîkî ya Rêber Abdullah Ocalan tê kirin.
Şêniyên navçeyê der barê vê yekê de axivîn û got tecrîda li ser Rêber Abdullah Ocalan binpêkirina mafên mirovan û peymana navneteweyî ya mafên siyasî û civakî ye.
Şêniyan destnîşan kir ku kiryarên dewleta Tirk a dagirker ên li dijî Rêber Abdullah Ocalan li Îmraliyê derexlaqî ne û armanca wê têkbirina îradeya gelên azad e.
Şêniyan bang li rêxistinên navneteweyî kir ku destwerdanê bikin û rewşa tenduristî ya Rêber Abdullah Ocalan diyar bikin. Her wiha şêniyan soza domandina berxwedan û têkoşînê heta pêkanîna azadiya fîzîkî ya Rêber Abdullah Ocalan nû kir.
(mh)
ANHA
