Koma şanoyê pirsgirêka zayendperestiyê rexne dike

Koma Şehîd Darsî ya Şanoyê sala 2018`an li bajarê Serêkaniyê hate avakirin. Kom ji jinên ciwan pêk tê û di şanoyên xwe de pirsgirêkên jinan tîne ser ziman. Koma Şehîd Darsî girêdayî Beşê Şanoyê ya Tevgera Hîlala Zêrîn a Çanda Jinan e. 

Şehîd Darsî (Fatma Hemo) berî ku şehîd bibe endama koma şanoyê bû, piştre ji komê tev li Yekîneyên Parastina Jin (YPJ) bû û Adara 2018`an di berxwedana Efrînê de şehîd bû.

Koma Şehîd Darsî tev li hemû çalakî û festîvala Şehîd Yekta Herekol a Şanoyê, Şehîd Mîtan û Şehîd Berçem dibe.

Koma Şehîd Darsî şanoyên bi navên Çentê Weso, Pêt û Ar, Tola Keziyê, Şekirê Şor, Gundê Heftreng, Mûm û Çira û Hêviya Dayikê pêşkêş kirine. Di şanoyên xwe de pirsgirêkên civakî û têkoşîna jinan a ji bo mafên xwe tîne ziman.

Endama komê Ezhar Tahir di festîvala Şehîd Yekta Herekol (2023) xelat wergirtiye.

Kom ji aliyê nivîskar û derhêner Fatma Ehmed ve tê avakirin. Fatma Ehmed got hejmara lîstikvanên wan bûye 9 û temenên wan di navbera 18-30 salî de ne.

Her wiha Fatma Ehmed anî ziman ku di şoreşa Rojava de pêdivî pê hebû ku vê komê ava bikin û wiha pê de çû: "Bi rêya şanoyê me xwest em balê bikişînin ser rewşa jinan. Di şanoyê de rê û rêbazên li hemberî jinan didin bikaranîn rexne bikin û hêviya çareseriyê bidin jinan."

Fatma Ehmed diyar kir ku wan destpêkê gelekî zehmetî dîtin û wiha axivî: "Destpêke me zehmetî dîtin lê piştre nêrandina civakê ji pirsgirêka jinan re hate guhertin. Me hemû rê û rêbazên zeyenderest ên civakê rexne kirin.”

Nivîskar û derhêner Fatma Ehmed got xebatên şanoyê yên jinan hîna bi Rojava re sînordar in û nebûye ser asta herêmî û navneteweyî. Di aliyê darayî û çapemeniyê de jî bi wan re nabin alîkar û tecrûbeya jin a şano nayînin ziman.

Koma Şehîd Darsî niha şanoya bi navê `Xeyaleke Min Hebû` amade dike. Di şanoyê de wê rewşa jinên ku ji ber zewacê negihaştina xeyalên xwe, vebêjin.

(np)

ANHA