Koçberên ji Kaxirê sûcên dewleta Tirk şermezar kirin

Koçberên ji gundê Kaxirê yê kantona Efrîn û Şehbayê êrişên dewleta Tirk ên li ser gundê wan şermezar kirin.

ROJANE

18 îlon, 2024 15:47

ŞEHBA

Efrîniyên ji gundê Kaxirê yên li Şehbayê dimînin, li çerxerêya Ehdasê protestoyek li dar xist. Koçberên Efrînê û endamên deste û meclisên kantonê, tev li çalakiyê bûn û pankartên "Em banga parastineke navneteweyî ji Efrînê re dikin", "Berxwedêr in ne bê deng in" û "Êdî bes bila teror ji Efrînê bê derxistin" hildan.

Li çerxerêyê koçberê bi navê Qaziqlî Mihemed axivî û got: "Dewleta Tirk a dagirker û çeteyên wê sûcên li dijî xelkê me yê li Efrînê didomîne. Divê rêxistinên hiqûqî û yên mirovî berpirsyariyên xwe bi cih bînin."

Dûre endamên Desteya Perwerdeyê û Fêrkirinê Siyabend Faqî û Kurdistan Murşid daxuyanî da.

Di daxuyaniyê de êrişa li ser jinan a li gundê Kaxirê û sûcên ji 6 salan ve berdewam in, hatin şermezarkirin.

Her wiha banga berdewamkirina berxwedana li Şehbayê û li hundirê Efrînê hate kirin.

(şx)

ANHA