Karwanê cenazeyê fermandar Nûreddîn Sofî ber bi Qamişloyê ve bi rê ket

Karwanê cenazeyê fermandarê şehîd Nûreddîn Sofî ber bi Qamişloyê ve bi rê ket.

ROJANE

12 tebax, 2025 09:27

QAMIŞLO

Karwanê cenazeyê fermandar Nûreddîn Sofî ji morga Dêrikê tevî bi hezaran xelkê kantona Cizîrê û malbata wî beriya çend kêliyan ber bi Qamişloyê ve bi rê ket.

Ji vê sibehê ve, bi hezaran xelkê kantona Cizîrê bi hemû pêkhate, eşîr û mezhebên wê berê xwe da Morga Nexweşxaneya Wetenî ya Dêrikê, da ku cenazeyê şehîd Nûreddîn Sofî veguhêzin bajarê Qamişloyê.

Bi sedan şênoyên Girkê Legê, Çilaxa û Tirbespiyê li ser rêyan li benda karwanê cenaze ne ku tev lê bibin û dûre tev li merasîmê bibin.

Piştî cenaze gihaşt Qamişloyê, dê li Stadyuma Şehîdên 12’ê Adarê saet di 17.00’an de merasîmeke girseyî bê çêkirin û piştre cenaze li Pakrewangeha Şehîd Delîl Saroxan bê definkirin.

Navenda Çapemenî û Ragihandinê ya HPG’ê duh (11 Tebax 2025) bi daxuyaniyekê aşkera kir ku fermandar Nûreddîn Sofî yê ji sala 1990’î ve di nava refên têkoşîna azadiya Kurdistanê de cih girt û ji sala 2013’an ve jî pêşengiya Şoreşa Rojava-Bakur û Rojhilatê Suriyeyê kir, şehîd bûye.

(fr)

ANHA