Ji Til Temirê dilsoziya bi Rêber Apo re hate nûkirin

Desteya Çandê ya kantona Cizîrê û Tevgera Çandê ya bajarê Til Temirê bi armanca xurtkirina nirxên hevgirtinê û jiyana hevbeş, balkişandina ser rola hunerê di avakirina civakeke demokratîk û azad de, konsertek li dar xist.

ROJANE

10 tîrmeh, 2025 23:55

HESEKÊ

Di konsertê de endamê rêveber ê Meclisa bajarê Til Temirê Idrîs El Yunis axivî û diyar kir ku huner, li hemberî hewldanên çewisandina nasnameyê û çandê çeka gelan e. Afrînariya hunerî, ji bo avakirina jiyana komînal li ser hevkariyê, wekhevî û azadiyê û li gorî ramanên Rêber Abdullah Ocalan rêya herî guncew e.

Desteya Çandê ya kantona Cizîrê û Tevgera Çandê ya bajarê Til Temirê bi armanca xurtkirina nirxên hevgirtinê û jiyana hevbeş, balkişandina ser rola hunerê di avakirina civakeke demokratîk û azad de, konsertek bi sernavê “Em ê ji afrînariya hunerî jiyana komînal ava bikin û li Kurdistana azad em ê Rêber Abdullah Ocalan hemêz bikin” li dar xist.

Di konsertê de komên beşdar ên ji pêkhateyên Suryan, Ereb û Kurd, berhemên xwe pêşkêş kirin.

Di dawiyê de Navenda Çand û Hunerê, spasiya hunermend û komên beşdar kirin û anî ziman ku lidarxistina mîna van çalakiyan giyanê çanda azad xurttir dike û piştgiriya hunera bi dozên civakê ve girêdayî dike.

(şx/fr)

ANHA