Ji Şêxmeqsûdê 49 malbat û 115 birîndar gihaştin kampa Tebqayê

Heyva Sor a Kurd ragihand ku 49 malbatên ji taxa Şêxmeqsûd û Eşrefiyê û 115 birîndar ku piraniya wan sivîl in, gihaştin Kampa Têkoşîn a li Tebqayê. Heyva Sor diyar kir ku pêdiviya wê bi alîkariyê heye.

13 ÇILE, 2026 11:29

NAVENDA NÛÇEYAN

Hevya Sor a Kurd alîkariyên bijîşkî pêşkêşî şênî û birîndarên ji taxên Şêxmeqsûd û Eşrefiyê yên ku hatine Kampa Têkoşîn a li Tebqayê dike.

Heyva Sor a Kurd diyar kir ku 49 malbatên koçber ên ji her du taxan gihaştina kampê û bi bîr xist ku ji dawiya 2024’an ve (piştî rûxandina rejîma Baasê) 175 malbatên koçber ên Şehbayê li kampê dimînin.

Heyva Sor a Kurd destnîşan kir ku 118 birîndar ku piraniya wan sivîl in, hatine kampê û pêdiviya wan bi lênerîna lezgîn û domdar a bijîşkî heye. Her wiha texmîn kir ku di rojên bê de beşeke din a koçberan werin kampê.

Heyva Sor a Kurd da zanîn ku ew ji ber zêdebûna domdar a hejmara koçberan, zehmetiyên dabînkirina xizmetên bijîşkî û pêdiviyên sereke dikişînin. Her wiha da zanîn ku rewşa mirovî ya zehmet zêdebûna hewldanên mirovî hewce dike da ku pêdivî werin bicihanîn, desteka birîndar û koçberan pê kirin.

(b)

ANHA