Ji bo geşkirina behreyên zarokan li Şedadê pêşangeh

Komeleya Perwerdê ya bajarê Şedadê yê kantona Cizîrê ya Herêma Bakur û Rojhilatê Sûriyeyê ji bo geşkirina behreyên zarokan pêşangeha wênexêziyê bi navê fermandara YPJʹê şehîd Zozan Hesekê vekir.

ROJANE

17 cotmeh, 2024 17:35

HESEKÊ

Komîteya çalakiyan a komeleya perwerdê ya Şedadê bi hevkariya xebatkarên perwerdê li dibistana Şedadê ji bo geşkirina behreyên zarokan pêşangeha şehîd Zozan Hesekê vekir. Pêşangeh bi navê fermandara YPJʹê Zozan Hesekê (Minewer Fatmê) ku di 2ʹyê Nîsana îsal de şehîd bû hat vekirin.

Vekirina pêşangehê bi dîlanên ji hêla xwendekaran ve dest pê kir. Dûre rêveberê komeleyê perwerdê yê Şedadê Ehmed El Xidir axivî.

Di merasîma vekirinê de li ser navê komîteya çalakiyan a komeleya perwerdê Hesen El Reca spasiya mamosteyên li Herêma Bakur û Rojhilatê Sûriyeyê der barê kedên wan ên perwerdekirinê de, kir.

El Xidir bal kişand ser rola van çalakiyan di geşkirina behreyên xwendekaran û pêşxistina wan de.

Her wiha li ser navê dibistanê Til Şedadê mamoste Îsmaîl El Hisên axivî û bal kişand ser ku zarok xwedî enerjî û berheyên zêde ne û divê xebatên perwerdê van behreyan bibînin û bi pêş bixin.

Di dawiya pêşangehê de 10 zarok li ser tabloyên wan û koma Teyr El Cenê ya govendê hatin xelatkirin.

(fr)

ANHA