Ji bo bîranîna Şehîd Malda Kûsa dewreyên perwerdeyê hatin vekirin

Navenda Jineolojî bi boneya salvegera şehadeta Malda Kûsa, îro dewreyeke perwerdeyê ya 3 rojan da destpêkirin.

Endama Akademiya Jineolojiya Malda Kûsa di sala 2018’an de tevlî karê jineolojî bû. Malda 5’ê Gulana 2019’an dema diçû perwerdeya jineolojî bide jinên gundewarên Hesekê li ser rêya Hesekê-Holê di encama teqîna mayînekê ya bi erebeya wê ve şehîd bû.

Dewreya perwerdeyê li Navenda Jineolojiya ya li bajarê Kobanê bi beşdariya 25 jinên  endamên sazî û dezgehên Rêveberiya Xweser dest pê kir. Merasîma vekirina dewreya perwerdeyê bi deqeyeke rêzgirtin dest pê kir û mûn li be wêneyên şehîd Malda hatin pêxistin.  Piştre jiyana şehîd Malda hat vegotin û wêneya yekemîn a danasîna zanista jin hat dayîn.

Di roja duyemîn de dê wane li ser neteweya demokratîk were dayîn û di roja sêyemîn de jî dê waneya zanista jinê ku hêmaneke sereke yên felsefeya neteweya demokratîk were dayîn.

Têkildarî dewreya perwerdeyê Berdevka Navenda Jinelojî ya kantona Firatê Sedîqe Xilo ji ajansa me re axivî.

Sedîqe Xilo di destpêka axaftina xwe de şehîd Malda Kûsa bi bîr anî û got: "Şehîd Malda xwest xwe di milê jineolojî  de pêş bixe.  Xweset ku civak bi giştî di mijara jin de pêşekeve. Dijmin nexwest şehîd Malda nameya xwe temam bike, ji ber vê yekê bi awayekî hovene wê qetil kir."

Sedîqe Xilo diyar kir

ku şehîd Malda ji malbateke welatparêze her tim dixwest jin her tim pêşenga civakê bê û ev tişt anî ziman: "Ji bo bîranîna şehîd Malda me dewreyeke perwerdeyê ji bo sê rojan vekin. Perwerde îro dest pê kir."

Sedîqe Xilo da zanîn ku perwerde dê saet 09.00’an dest pê bike û 14.00’an bi dawî bibe.

Li Helebê jî bi beşdariya 25 endamên saziyên sivîl, partiyên siyasî, meclis û komînan dewreyeke perwerdeyê hat destpêkirin. Perwerde bi deqeyeke rêzgirtin dest pê kir. Piştre li ser jiyana şehîd Malda û têkoşîna wê axaftin hatin kirin û sînevîzyon hat pêşandan.

(bb)

ANHA

kobanê